Eiterekero:Yoswa n’olutalo olw’e Yeriko - Ambassador Institute Bible Story Curriculum

From Door43

Yoswa n’olutalo olw’e Yeriko

Yoswa 6

Mpegano aba Isirayiri baali bazinzeku Yeriko era nga kisibiibwa. Tiwaali yafuluma oba yangira. Olwo Mukama yaakoba Yoswa nti, “Bona, ntaire Yeriko mu mikono gyo,walala ni Kyabazinga wakyo n’abalwani bakyo. Tambula okwetoloola ekibuga omulundi mulala n’abalwani boona boona. Mukikolere enaku mukaaga. Funa bakabona musanvu bageme ekondeere ed’amayiga g’entaama bakulembere esanduuku y’amateeka. Kulunaku olw’omusanvu, mutambule okwetoloola ekibuga emirundi musanvu, nga bakabona bafuuwa ekondeere. Bwemunaabawulira nga bafuuwa ekondeere ediwangaala, koba abantu boona boona balekaanire waigulu; olwo ekisenge ky’ekibuga kigwe abantu bayambuke, buli musaada buterevu munda.”

Kale Yoswa yaayeta bakabona yaabakoba nti, “Musitule esanduku ey’amateeka ga Mukama mufune bakabona musanvu bageme ekondeere bagikulembere.” Yaalagira abantu nti, “Musimbule! Mutambule okwetoloola ekibuga, nga abaserikale abasitwire eby’okulwanisa bakulembeire esanduku ey’amateeka ga Mukama.” Yoswa bwe yamala okwogera n’abantu, bakabona omusanvu abaagema ekondeere omusanvu mu maiso ga Mukama baaja mu maiso, nga bafuuwa ekondeere daibwe, esanduuku y’amateeka ga Mukama yaabagoberera. Abalwani abagemye eby’okulwanisa baakulembera bakabona abaafuuwa ekondeere, ate abalwani ab’einuma baagoberera esanduuku ey’amateeka. Aye Yoswa yalagira abantu nti, “Timufulumya maloboozi ga ntalo, timusitula maloboozi gaimwe, timuba na kyemwogera okutuusa ku lunaku lwe ndibakoba okulekaana. Male mulekaane.” Kale yalagira b’etolooza ekibuga sanduuku y’amateeka omulundi mulala. Male abantu bairayo mu nkambi baasulayo obwire obwo. Yoswa yawuuna olunaku olwairaku ni bakabona baasitula esanduuku y’amateeka ga Mukama. Bakabona omusanvu abaagema ekondeere omusanvu baakulembera, baatambula emberi wa sanduuku y’amateeka ga Mukama nga bafuuwa ekondeere. Abasaada abalina eby’okulwanisa baabakulembera, n’abalwani abava einuma baagoberera esanduuku y’amateeka ga Mukama, nga ekondeere deyongera okuvuga. Kale ku lunaku olw’okubiri baatambula okwetoloola ekibuga omulundi mulala baairayo mu nkambi. Kino baakikolera enaku mukaaga.

Ku lunaku olw’omusanvu, baazuuka nga busaasaana baatambula okwetoloola ekibuga emirundi musanvu. Ku mulundi ogwa omusanvu, bakabona bwebaafuuwa ekondeere, Yoswa yaalagira abantu nti, “Mulekaane! Nti kubanga Mukama abawaire ekibuga! Ekibuga n’ebikirimu byona byona byakuweebwayo eri Mukama. Lakabu malaya yenka n’abo boona boona abali naye mu numba ye n’abanaalekebwa, kubanga yakweka abakeesi betwaatuma. Feeza ni zaabu byona byona n’ebintu eby’ekikomo n’ekyuma bitukuvu bya Mukama era bitekwa okuja mu igwanika lye. Ekondeere bwedaavuga, abantu baalekaana, era ku kuvuga kw’ekondeere, abantu bwebaalekaanira waigulu, ekisenge kyameneka; kale buli musaada yesoiga ekibuga, baakitwaala. Baawonga ekibuga eri Mukama baasaniawo n’ekitala buli kiramu ekyalimu, abasaada n’abakazi, abato n’abakulu, ente, entaama n’endogoyi.

Yoswa yaakoba abasaada abaaja okukeeta ensi nti, “Muje mu numba ya malaaya mumuleete n’ababe boona boona, nga mutuukiriza ekirayiro kyaimwe y’ali.” Kale abasaada abavubuka abaaja okukeeta, bangirayo baatoolayo Lakabu, baaba we ni maama we ni baganda be ni boona boona abaali ababe. Baatoolayo abamaka ge boona boona baabata mu kifo kuluya kw’enkambi ya Isirayiri. Male baayokya ekibuga kyona kyona n’ebyakirimu byona byona, aye feeza ni zaabu n’ebintu eby’ekikomo n’ekyuma baabita mu igwanika ly’enumba ya Mukama. Aye Yoswa yawonia Lakabu malaaya n’amaka ge ni boona boona abaali ababe, kubanga yakweka abasaada Yoswa be yatuma okukeeta Yeriko, era akaaba mu ba Isirayiri nokutuusa buti. Kukiseera ekyo Yoswa yalangirira ekirayiro kino nti, “Akolimirwe mu maiso ga Mukama omuntu eyewayo okuiramu okuzimba ekibuga kino,ekya Yeriko: “Omusingi aliguzimbira ku muwendo gw’omuberi we omulenzi; emiryango gyakyo aligiwangira ku muwendo gw’omwigalanda we.” Kale Mukama yaaba ni Yoswa, n’okwatikirira kwe kwabuna ensi yona yona.