Eiterekero:Yakobo ni Esau - Ambassador Institute Bible Story Curriculum

From Door43

Yakobo ni Esau

Olubereberye 25

Luno n’olugero lwa Isaka, mutabani wa Ibulayimu. Isaka yasaba Mukama ku lwa mukyala we eyaali omugumba. Mukama yairamu okusaba kwe era mukyala wa Isaka, Labeka yaafuna enda. Abalongo baasindikagana munda ya mama waibwe. Labeka yaja eri Mukama yamubuuza nti, “Lwaki kino kimbaku?”

Mukama yamukoba nti, “Amawanga abiri gali munda yo era abantu ba mirundi ebiri bali yawukana. Abantu abalala balisinga banaibwe amaani era omukulu alifugibwa omuto.” Ekiseera bwe kyatuuka Labeka okuzaala yalimu abalongo abalenzi. Eyasooka okufuluma yali mumyufu era omubiri gwe gwona gwona gwaliku obuviri, kale baamutuuma eliina Esau. Oluvainuma muganda we yafuluma nga omukono gwe gugemye ekigere kya Esau, kale baamutuuma eliina Yakobo.

Abalenzi baakula era Esau yafuuka omuyiizi omulungi yaaba omuntu ow’okumutala. Ye Yakobo yali musirise nga asiiba waka mu wema. Isaka eyawomerwanga omuyiigo yagonzanga Esau, aye Labeka yagonzanga Yakobo.

Lulala Yakobo bwe yali afumba eiva, Esau yaira okuva muitale nga muyala ino. Yakoba Yakobo nti, “Mpaku mangu ku iva lyo. Nfa endala.”

Yakobo yamuiramu nti, “Sooka onguze obusika bwo.”

Esau yamukoba nti, “Bona, nfa. Obusika bungasa ki?”

Aye Yakobo yaamukoba nti, “Sooka ondayirire.” Kale yamulayirira nga aguza Yakobo obusika bwe. Olwo Yakobo yaawa Esau emere n’eiva. Yaalya era yaanwa male yaasituka yaaja. Kale Esau yanooma obusika bwe.