Eiterekero:Sawulo Akyayibwa ate Dawudi Alondebwa - Ambassador Institute Bible Story Curriculum

From Door43

Sawulo Akyayibwa ate Dawudi Alondebwa

1 Samwiri 15 - 16

Samwiri yaakoba Sawulo nti, “Ati Mukama ayinza byona bw’akoba nti: ‘Ndibonereza aba Amalekiti olw’ekyo kyebaakola aba Isirayiri bwebaaberinda nga aba Isirayiri bambuka okuva e Misiri. Mpegano ja olumbe aba Amalekiti era osaanizewo irala buli kyaibwe kyona kyona. Toba itira ku liiso; ita abasaada, abakazi, abaana, ente, entaama engamiya n’endogoyi.’” Kale Sawulo yaayeta abasaada - abaserikale ob’okubigere emitwalo abiri n’abasaada mutwalo okuve e Buyudaya. Awo Sawulo yaalumba aba Amakekiti. Yagema Agaga kyabazinga wa aba Amalekiti nga mulamu, n’abantu be boona boona yaabasaaniawo n’ekitala. Aye Sawulo n’eigye baaleka Agaga, entaama, ente, enyana ensavu, n’entaama ento nga nsavu n’ebindi ebyali bifanana obulungi. Bino tibayenda kubisaanizawo irala, aye ebyo byebaanooma n’ebyali ebinafu baabisaanizawo irala.

Awo ekigambo kya Mukama kyaida eri Samwiri nti: mpulira enaku kubanga nafuula Sawulo okuba kyabazinga, kubanga anviireku era alobye okukola ebiragiro byange.” Samwiri yaawulira enaku era yaalirira Mukama obwire obwo bwona bwona. Kunkyo, Smwiri yasituka yaaja okubona Sawulo, aye baamukoba nti, “Sawulo yajiire Kalameri. Eyo yekoleireyo ekiwumbe okwegulumiza era akyuse aserengese e Girigali.” Samwiri bweyamutuukaku, Sawulo yaakoba nti, “Mukama akuwe omukisa! Mmaze okukola ebiragiro bya Mukama.” Aye Samwiri yaakoba nti, “Ate okubbaalala kwe ntaama n’okumoola kwente kwempulira kuva wa? Sawulo yaairamu nti, “Abaserikale baabileese okuva ku ba Amalekiti;baalesewo entaama n’ente ebisinga obulungi okubiwayo nga ebiwebwayo eri Mukama Katonda wo, aye ebindi twabisaaniizawo byona byona.” Samwiri yaakoba Sawulo nti, “Kom’awo! Leka nkukobere Mukama kyeyankobye ido obwire.” Sawulo yaamukoba nti, “Nkobera.” Samwiri yaamukoba nti, “Waire w’ebonanga nga omuntu omutono mu maiso go, tiwafuuka mukulu wa mawanga ga Isirayiri? Mukama yakufukaku amafuta okuba kyabazinga wa Isirayiri. Era yakutuma okukola omulimu nga akukoba nti, ‘Ja osaanizewo irala abantu abo aba Amalekiti abananfuusi. Lwaki tiwagondera Mukama? Lwaki weiriza omunyago n’okola obubi mu maiso ga Katonda?’” Saulo yaakoba nti, “Aye Katonda namugondera. Naja naakola omulimu Mukama gweyampa. Nasaanizawo irala aba Amalekiti era naaleeta Agaga kyabazinga waibwe. Abaserikale baatoola entaama n’ente okuva ku munyago, ebisingamu obulungi baabiwayo er Katonda, basobole okubiwayo nga sadaaka eri Mukama Katonda wo e Girigaali.” Aye Samwiri yaairamu nti, “Olowooza Mukama asanukira ebiwebwayo ebyokebwa ni sadaaka nga bw’asanukira okugondera eidoboozi lya Mukama? Okugonda kusinga sadaaka n’okuwulira kusinga entaama ensavu. Kubanga obudeemu bulinga ekibi eky’okukola obulogo n’amalala galinga ekibi eky’okusinza ebifanani. Kubanga olobye ekigambo kya Mukama, yena okulobye okuba kyabazinga.” Awo Sawulo yaakoba Samwiri nti, “Nonoonie. Ndemeire ekiragiro kya Mukama n’ebigambo byo. Natya abantu kale naikiriza kyebaayenda. Mpegano nkusaba, nsoniwa ekibi kyange oireyo ninze nsobole okusinza Mukama.” Aye Samwiri yaamukoba nti, “Tiida kuirayo niiwe. Waloba ekigambo kya Mukama ni Mukama yaakuloba okuba kyabazinga wa Isirayiri!” Okutuusa ku lunaku Samwiri lweyafa, tiyairayo kuja kubona Sawulo mulundi gundi, waire nga Samwiri yakungubaga olwa Sawulo. Era Mukama yaanakuwala kubanga yafuula Sawulo okuba kyabazinga wa Isirayiri.

Mukama yaakoba Samwiri nti, “Olikituusa wa okukungubagira Sawulo okuva lwe namuloba okuba kyabazinga wa Isirayiri? Iduza eyiga lyo amafuta era otandike okutambula; nkutuma eri Yese ow’e Beserekemu. Nonze omu kubatabani be okuba kyabazinga.” Aye Samwiri yaakobanti, “Nnaayinza ntya okuja? Sawulo bw’anaakiwulira, aidakundita.” Mukama yaamukoba nti, “Ja n’omugongo gw’ente okobe nti, ‘Ndidye okuwayo sadaaka eri Mukama.’ Yeta Yese abewo ku kuwayo sadaaka era ndakukulaga eky’okukola. Oidakunfukira amafuta ku oyo gwenaakulaga.” Samwiri yaakola ekyo Mukama kyeyamukoba. Bweyatuuka e Beserekemu, yatukuza Yese ni batabani be yaabeeta ku kuwayo sadaaka. Bwebaatuuka, Samwiri yaabona Eliabu, yaalowooza nti, “Bwene omufukewaku amafuta owa Mukama ayemereire mu maiso ga Mukama.” Aye Mukama yaakoba Samwiri nti, ‘tolowooza ku nfanana ye oba ku buwanvu bwe, kubanga mmulobye. Mukama talingirira bintu omuntu by’alingirira. Omuntu alingirira enfanana ey’okungulu aye Mukama alingirira mutima.” Olwo Yesse yaayeta Abinadabu yaamukoba yaabita mu maiso ga Samwiri, aye Samwiri yaamukoba nti, “N’oyo Mukama tamulonze.” Yesse yaakoba musanvu ku batabani be baabita mu maiso ga Samwiri, aye Samwiri yaamukoba nti, “Mukama talonze mu bano.” Samwiri kyeyava abuuza Yesse nti, “Bano ni batabani bo bonka?” Yesse yaairamu nti, “Ekaaliyo muto waibwe aye alimu kulunda ntaama.” Samwiri yaakoba nti, “Tuma bamwete, tituutyame nga akaali kutuuka.” Kale yaatuma baamuleeta. Yali wa lususu lumyufu era nga afanana bulungi. Olwo Mukama yaakoba amwiri nti, “Situka omufukeku amafuta, n’oyo.” Kale Samwiri yatoola eyiiga ery’amafuta yagamufukaku mu maiso ga baganda be, era okuva ku lunaku olwo, Omwoyo wa Mukama yaika ku Dawudi mu maani.