Eiterekero:Omusango - Ambassador Institute Bible Story Curriculum

From Door43

Omusango

Luka 16:19-31

Waaliwo omusaada omugaiga eyavaalanga ebivaalo bya kasoma era nga binirira era yalinga mu bulamu obweyagaza buliido. Ku mulyango ogw’ewuwe waalingawo omusabirizi eyayetebwanga Lazalo, nga yaidula amabwa era nga alindirira obukunkumuka obwagwanga okuva ku meza ey’omugaiga. N’embwa daidanga okukomberera amabwa ge.

“Ekiseera kyatuuka omusabirizi yaafa era baMalayika baamutwala okuba okumpi ni Ibulaimu. Omusaada omugaiga yena yaafa era yaazikibwa. Mu geyena, yeyali mukubonaabona, yalinga waigulu yaabona Ibulaimu nga ali wala, nga ali ni Lazalo kumpi naye. Kale yaamukowoola nti, “Baaba Ibulaimu, nsaasira owereze Lazalo ainike akatundu akasemba ak’olugalo lwe mu maadi aninogoze olulimi lwange, kubanga ndi mukubonaabona mu muliro guno.”

Aye Ibulayimu yaamukoba nti, “Mutabani, idukira nti mu bulamu bwo wafuna ebirungi byo byona byona, nga Lazalo afuna bibi, aye mpegano abudabudibwa wano ate nga iwe oli mu kubonaabona. Ate nga bino byona byona obilese, wagati waife niiwe waliwo olukonko olunene eino nti, abo abenda okuva eno okuida y’oli tibasobola, waire omuntu okusala okuva y’oli okuida yetuli tikisoboka.

Yaamuiramu nti, “Kale nkusaba Baaba, otume Lazalo eri enumba ya Baaba wange, kubanga nina baganda bange batanu. K’aje abalabule, boona baleme okuida eno mu kifo eky’okubonaabona.”

Ibulaimu yairamu nti, “Balina Musa ni baNabbi; leka babawulirize.”

Yaakoba nti, “Bbe Baaba Iblaimu, singa omuntu ava mu bafu naaja yebali, baida kwenenia.”

Yaamukoba nti, “Bwebatawuliriza Musa ni baNabbi, tibayinza kwikiriza waire omuntu azuukira okuva mu bafu.”