Eiterekero:Katonda Omwoyo Omutukuvu - Ambassador Institute Bible Story Curriculum

From Door43

Katonda Omwoyo Omutukuvu

Ebikolwa 2:1-8, 11-21

Olunaku lwa pentekoti bwelwatuuka, boona boona baali walala mu kifo kilala. Amangu ago okuvuuma okufaanana nga okukunta kw’omuyaga omukambwe kwaika okuva mu igulu kwaidula mu numba mwebaali batyamye. Baabona ekyafaanana nga enimi ed’omuliro nga daabulukamu, daika ku buli omu kubo. Boona boona baiduzibwa Omwoyo Omutukuvu era baatandika okwogera mu nimi edindi nga Omwoyo bweyabasobozesa.

Mpegano waaliwo abaYudaya mu Yerusaalemi abaali batya Katonda, okuva mu buli iwanga wansi w’eigulu. Bwebaawulira okuvuuma kuno, ekibiina kyakungaana nga b’ewunia, kubanga buli omu kubo yabawulira nga bogera mu lulimi lwe. Mukuwunikirira okungi, baabuuza nti, “Abantu bano abogera, ti baGaliraya. Olwo kiida kitya okuba nti buli omu ku ife abawulira nga bogera olulimimi lwe? Tubawulira nga bategeeza ebyamagero bya Katonda mu nimi daife!” Mukwewunia n’okusoberwa,baabuuzagania nti, “Kino kitegeeza ki?”

Kyoka abandi, baabasekerera nga bakoba nti, “Banweire omwenge mungi ino.”

Oluvainuma Petero yayemerera n’eikumi n’omulala, yaasitulaku amalobozi yaayogera eri abantu nti: “BaYudaya banange, niimwe mwena mwena ab’eYerusalemi, kambainonole kino; muwulirize bulungi kyenkoba. Abasaada bano tibatamiivu nga bwemulowooza. Saawa diri bwa isatu ed’okunkyo! Be, kino n’ekyayogerwa Nabbi Yoweri:

“Mu naku ed’enkomerero, Katonda akoba nti, Ndifuka omwoyo wange ku bantu boona boona. Batabani baimwe ni bawala baimwe bali langirira obunabbi, abasaada baimwe abavubuka bali funa okwolesebwa, abasaada baimwe abakaire bali loota eborooto.

“Ni kubaweereza bange, abasaada n’abakazi awalala, ndibafukaku omwoyo wange era bali langirira obunabbi.

“Ndilaga ebyewunio mu igulu waigulu n’obubonero kunsi wansi, omusayi n’omuliro n’ebire eby’omwosi.

“Enduba erifuulibwa ekizikiiza n’omwezi gulifuulibwa omusayi ng’olunaku lwa Mukama olw’okusukuluma era olw’ekitiibwa lukaali kwida.

“Era buli muntu alikowoola eriina lya Mukama ali lokolebwa.”