Eiterekero:Kaini ni Aberi - Ambassador Institute Bible Story Curriculum

From Door43

Kaini ni Aberi

Olubereberye 4:1-16

1. Adam yaasula ni mukazi we Kaawa, yaaba enda yaazaala Kaini. Kaawa yaakoba nti, “Nga Mukama ambeera, nsoboire okuzaala omusaada.” 2. Oluvainuma yaazaala muganda wa Kaini Aberi.

Mpegano Aberi yali mulunzi ate Kaini ye yali mulimi. 3. Oluvainuma lw’ekiseera, Kaini yaleeta eri Mukama ebimu ku makungula ge nga ekiwebwayo eri Mukama. 4. Aye Aberi yaaleeta emamba ensavu okuva mu kisibo kye. Mukama yaasiima Aberi n’ekiwebwayo kye, 5. Aye tiyasiima Kaini n’ekiwebwayo kye. Kale Kaini yaasunguwala ino, era yaaba muniikaavu. 6. Olwo Mukama yaakoba Kaini nti, “Lwaki osunguwala? Lwaki oba muniikaavu? Singa okola ekituufu, olowooza t’osiimibwe? Aye singa t’okola kituufu ekibi kin’ezinga ku mulyango gwo; kyegomba okukutwala aye otekwa okukifuga.”

8. Mpegano Kaini yaakoba muto we Aberi nti, “Kola tuje mu nimiro” Era bwebaali nga bali mu nimiro, Kaini yaalumba muganda we Aberi, yaamuita. 9. Awo Mukama yaakoba Kaini nti, “Muganda wo Aberi aliwa?”

Kaini yairamu nti, “Tiidi, ninze akuuma muganda wange?”

10. Mukama yaakoba nti, “Okoze ki, wuliriza! Omusayi gwa muganda wo gundirira okuva mu itaka. 11. Mpegano oli wansi wa kikolimo, era ogobeibwa okuva ku itaka eryayasama omunwa gwalyo okumira omusayi gwa muganda wo okuva mu mukono gwo. 12. Bw’onolimanga enimiro tevengamu makungula. Onaatangira tangiranga munsi nga ozira mirembe.”

Kaini yaakoba Mukama nti, “Ekibonerezo ky’ompaire kinene ino, tikisobola. 14. Leero ongobye okuva mu itaka, era nviire ni mumaiso go; njakuba muntu atangatanga munsi muno, era buli anaambonanga anaayendanga kundita.

Aye Mukama yaamukoba nti, “Ti bwekiri; singa omuntu anaagezaku okwita Kaini, anaafuna ekiruyi kya mirundi musanvu.” Olwo Mukama yaata akabonero ku Kaini kibe nti ti waliba alimubona n’amuita. Kale Kaini yaava mu maiso ga Mukama yaaja okuba munsi ya Nodi, eri ebuvanduba bwa Edeni.