Eiterekero:Eriya ku lusozi Kalameri - Ambassador Institute Bible Story Curriculum

From Door43

Eriya ku lusozi Kalameri

1 Bakyabazinga 18

Mpegano Eriya yaakoba Akabu nti, “Nga Mukama, Katonda wa Isirayiri, bw’ali omulamu, oyo gwe mpereza, tiwaabe musulo oba ikendi mu myaka emitono egiida okutoolaku nga nkobye.” Male ekigambo kya Mukama kyaida eri Eriya nti: “Va wano, kyuka oyolekere ebuva nduba wekweke mu kiwonvu eky’e Kelisi, ebuvanduba bw’omwiga Yoludani. Onaanwanga okuva mu muiga, era maze okulagira ebinoni okukuleeteranga emere nga oli eyo.” Kale yaakola nga Mukama bweyamukoba. Ebinoni byaamuleeteranga emere n’emamba kunkyo n’olw’eigulo, era yaanwanga okuva mu muiga.

Oluvainuma olw’ekiseera ekinene, mu mwaka ogw’okusatu, ekigambo kya Mukama kyaida eri Eriya nti: “Ja mumaiso ga Akabu, era ndakutoonesa ikendi munsi.” Kale Eriya yaaja mu maiso ga Akabu. Bwe yabona Eriya, yaamukoba nti, “Niiwe, iwe aleetera Isirayiri ebizibu?” Eriya yaairamu nti, “Nze nkaali kuleetera Isirayiri bizibu. Aye iwe n’amaka ga baaba wo galeeteire Isirayiri ebizibu. Mwalekayo ebiragiro bya Mukama, mwagoberera ba baali. Mpegano yeta abantu boona boona bandagaane ku lusozi Kalameri. Era onaaleeta ba nabbi ba Baali ebikumi ebina n’atanu ni ba nabbi ba Asera ebikumi ebina.”

Kale Akabu yaawereza obubaka mu Isirayiri yona yona era yaakungaania ba nabbi ku lusozi Kalameri. Eriya yaaja mu maiso g’abantu yaakoba nti, “Munaamala ibanga ki nga muzunga wagati w’ebirowoozo ebibiri? Mukama bw’aba nti ni Katonda mumugoberere;aye Baali bw’aba nti ni Katonda mumugoberere.” Aye abantu tibaamwanukula. Male Eriya yaabakoba nti, “Ninze zenka ku banabbi ba Mukama akaasigairewo aye Baali alina banabbi ebikumi bina n’atanu. Mutuleetere ente enume ibiri. Mubaleke balondeku era mubaleke bagisalesale era bagite ku nku aye tibakuma muliro Ndakutekateka enume ere eyindi ngite ku nku aye tiida kukuma muliro. Olwo mwete eriina lya katonda waimwe zena ndete eriina lya Mukama. Katonda anaayanukula n’omuliro, oyo ni Katonda.” Abantu bona bona baakoba nti, “ky’okobye kirungi.”

Kale baatwaala enume eyabaweebwa baagitekateka.male baayeta Eriina lya baali okuva kunkyo okutuusa emisana wagati mu lunaku. Baaleekaana nti, “Wo Baali twanukule.” Aye tiwaali kuiramu. Tiwaali yayanukula. Era baakina nga b’etoloola ekyoto kye b’ekolera. Wagati mu kasana Eriya yaatandika okubasonsonia. Yaakoba nti muleekanire waigulu. Mazima oyo Katonda! Ob’olyawo ali mu birowoozo bingi, oba alin’emirimu mingi, oba atambula. Oba atenduka nga y’etaaga okumuzuusa.” Kale baaleekanira waigulu b’esala n’ebiso n’amafumu nga enkola yaibwe bweyali, okutuusa omusaayi bwegwakulukuta. Olunaku lwabita wagati, b’eyongera okulagula bwebaleekaana okutuuka ku kiseera kya sadaaka ey’eigulo. Aye tiwaali kuiribwamu, tiwaali yairamu, tiwaali yafayo.

Male Eriya yaakoba abantu boona boona nti, “Musembere wano wendi.” Baamusemberera yaalongoosa ekyoto kya Mukama ekyali kyononese, era yaasima olukonko okwetoloola ekyoto nga lusobola okujamu ekutiya ibiri ed’ensigo. Yaategeka enku, yaasalasala enume yaagita ku nku. Male yaabakoba nti, “Muiduze amaadi mu nsuwa ina mugafuke ku kiwebwayo ni ku nku.” Yaabakoba nti, “Ate mwongere.”era baayongera. Ate yaalagira nti, “Mukikole omulundi ogw’okusatu.” era baakikola omulundi ogw’okusatu. Amaadi gaserengeta okwetoloola ekyoto gaidula ni mu lukonko. Ku kiseera eky’ekiwebwayo, Nabbi Eriya yaavaayo yaasaba nti, “ Ai Mukama, Katonda wa Ibulayimu, Isaka ni Isirayiri, leka kitegerekeke leero nti oli Katonda mu Isirayiri era nti ndi muwerezawo era bino byona byona mbikoze ku biragiro byo. Nkusaba ondiremu ai Mukama ndiraamu abantu bano basobole okutegeera nti iwe ai Mukama niiwe Katonda, era nti olikukyusa emitima gyaibwe okwuira ate.” Awo omuliro gwa Mukama gwagwa gwayokya ekiwebwayo, enku, amabaale n’eitaka, era gwakomba n’amaadi agaali mu lukonko.

Abantu boona boona kino bwebaakibona, baagwa baavunama era baalira nti, “Mukama, ni Mukama! Mukama, ni Mukama!” Male Eriya yaabalagira nti, “Mugeme ba nabbi ba baali. Timuikiriza muntu yena yena kutoloka!” Baabagema, Eriya yaalagira baabaleeta mu kiwonvu eky’eKisoni baabasandagira eyo. Era Eriya yaakoba Akabu nti, Ja olye era onwe kubanga waliwo okuwuluguma okwa ikendi ow’amaani.” Kale Akabu yaaja yaalya era yaanwa. Aye Eriya yaniina okutuuka ku ntiiko y’olusozi Kalameri, yaavunama yaata obweni bwe wagati mu mavivi ge. Yaakoba omuwereza we nti, “Ja olengeze ku nanda .” yaaja yaalengeza. Yaakoba nti ezira kintu.emirundi musanvu Eriya yaakoba nti, “Irayo.” Omulundi ogw’omusanvu omuwereza yaakoba nti, “Waliwo akale akali nga ekibantu ky’omuntu kalikwambuka okuva mu nanda.” Kale Eriya yaamukoba nti, “ Ja okobe Akabu nti, ‘webagale embalasi yo oserengete ikendi takwagaana n’akusibira mu njira.’” Ku kiseera ekyo, eigulu lyatandika okuirugala n’ebire, omuyaga gwaatandika era Akabu yaavuga okuja e Yezireli. Amaani ga Mukama gaika ku Eriya era, yafungiza ekanzu ye mu musipi gwe, yaalumuka yaabisa ni Akabu okuja e Yezireli.