Eiterekero:Eriisa aziba aba Alamiini amaiso - Ambassador Institute Bible Story Curriculum

From Door43

Eriisa aziba aba Alamiini amaiso

2 Bakyabazinga 6

Mpegano kyabazinga wa Alamu yali alwanagana ni Isirayiri. Oluvainuma olw’okwebuuza ku ba duumizibe, yaakoba nti, “ndaku zimba enkambi wano ni wale.” Omusaada wa Katonda yaaweereza ekigambo eri kyabazinga wa Isirayiri nti, “Wegendereze obutabita mu kifo ekyo kubanga aba Alamiini balikuserenget’eyo.” Kale kyabazinga wa Isirayiri yaakebera ekifo ekyo omusaada wa Katonda kyeyamukoba. Emirundi n’emirundi Erisa yaalabulanga kyabazinga, olwo yaasobola okuba obulindaala mu bifo ng’ebyo.

Kino kyasunguwaza kyabazinga w’e Alamu. Yaayeta abaduumizi be yabakoba nti, “Timuyinza kunkobera b’ani ku ife abali ku luuyi lwa kyabazinga wa Isirayiri?” Omu ku ba duumizi be yaamukoba nti, “Mpawo mukama wange kyabazinga, aye Erisa, nabbi ali mu Isirayiri, n’akobera kyabazinga wa Isirayiri ebigambo byene by’oyogera mu kisenge kyo.” Kyabazinga yaalagira nti, “Muje mumunoonie y’ali nsobole okusindika abasaada bamugeme.” Amawulire gaira nti ali Dosani. Olwo yaasindikayo embalaasi n’amagaali n’eije ery’amaani. Baaja bwire era b’etoloola ekibuga.

Omuwereza w’omusaada wa Katonda bweyagolokoka okufuluma enkeera, eije nga balina embalasi n’amagaali baali lyali ly’etoloire ekibuga. Omuwereza yaabuuza nti, “Mukama wange, tunaakola tutya? Nabbi yaairamu nti totya, abali niife bangi okusinga abo abali nabo.” Erisa yaasaba nti, “Ai Mukama muzibule amaiso ayinze okubona.” Awo Mukama yaazibula amaiso g’omuwereza, yaalinga yaabona ensozi nga diidwire embalasi n’amagaali ag’omuliro nga goona goona g’etoloire Erisa.

Nga omulabe aserengeta okuyolekera Erisa, yasaba Katonda nti, “Ziba abantu bano amaiso.” Kale Katonda yaabaziba amaiso nga Erisa bweyasaba. Erisa yaabakoba nti eno tin’enjira era kino tin’ekibuga. Mungoberere mbatwale y’omusaada gwe munoonia.” Yaabatwaala e Samaliya. Nga bamaze okunjira ekibuga, Erisa yaasaba Mukama nti, “Mukama zibula amaiso ga abasaada bano basobole okubona.” Olwo Mukama yaazibula amaiso gaibwe baalinga baabona nga bali munda mu Samaliya.

Kyabazinga wa Isirayiri bweyababona yaabuza Erisa nti, “Baaba wange, mbaite? Mbaite?” Erisa yaamukoba nti,”T’obaita, oyinza okuita abantu b’ogemye nga okozeisa ekitala kyo n’akasaale ko? Bawe eby’okulya n’okunwa male baireyo eri mukama waibwe.” Kale yaabatekeratekera embaga enene, era bwe baamala okulya n’okunwa, yaabasiibula bairayo eri mukama waibwe. Kale ebikunsu ebyalumbanga ensi ya Isirayiri okuva e Alamu byalekera awo.