Eiterekero:Ekyeigulo kya Mukama - Ambassador Institute Bible Story Curriculum

From Door43

Ekyeigulo kya Mukama

1 Bakolinso 11:20-30

Bwemuba mukunganie, tikiwulo kya Mukama kyemulya, kubanga nga mulya, buli muntu ku imwe aja mumaiso nga talinze wundi. Omu yaasigala nga muyala, owundi yaafuuka mutamiivu. Muzira maka yemuyinza okuliira n’okunwera? Oba munyoma ekanisa ya Katonda era mwanyoma n’abanaku? Imwe mbakobe ki? Mbagulumize olwakino? Bwene tisobola!

Kubanga kyenafuna okuva eri Mukama n’ekyo kyenabawa: Mukama waife Yesu, kulunaku lweyaliibwamu olukwe, yatoola omugaati, era bweyamala okwebaza, yagumenamu yaakoba nti, “Guno n’omubiri gwange oguliwo kulwaimwe; kino mukikolenga olw’okundidukira.” Mu ngeri n’endala, oluvainuma lw’ekyeigulo,yatoola ekikopo yaakoba nti, “Ekikopo kino n’endagaano empyaka eri mu musayi gwange. Kino mukikolenga buli lwemukinwa, olw’okundidukira.” Kubanga buli lwemulya omugaati guno nimunwa ku kikopo kino, muba mulangirira okufa kwa Mukama waife okutuusa lwaliira.

Nolwekyo, buli anaalyanga omugaati n’anwanga ku kikopo kya Mukama mu ngeri ewebuula anaabangaku omusango ogw’okwonoona ku mubiri ni ku musayi ebya Mukama. Omuntu kimugwanira okwekebera nga akaali kulya kumugaati n’okunwa ku kikopo. Kubanga omuntu yena yena alya n’anwa nga tafiire ku bukulu bwa mubiri gwa Mukama alya era yaanwa okusalirwa omusango. Eyo n’ensonga lwaki bangi mu imwe muli banafu era muli balwaire, era bangi ku imwe baatenduka.