Eiterekero:Ekigambo nga Enjiri - Ambassador Institute Bible Story Curriculum

From Door43

Ekigambo nga Enjiri

Yokana 3:1-21

Mpegano waaliwo omusaada eyali omufalisayo nga ayetebwa Nikodemu, era yali wa kukakiiko ka abaYudaya akafuzi. Yaida eri yesu nga buzibye yaamukoba nti, “Labbi, tuidi nti oli musomesa eyava eri Katonda. Kubanga wazira ayinza kukola bubonero bwa byamagero nga bw’okola singa Katonda aba talinaye.

Yesu yaamuiramu nti, “Nkukobera amazima, wazira muntu ayinza kubona, bwa kyabazinga bwa Katonda okutolaku nga amaze okuzaalibwa omulundi ogundi.”

Nikodemu yaamubuuza nti, “Omuntu ayinza atya okuzaalibwa nga akuze? Mazima tasobola kungira munda ya maama we okuzaliibwa omulundi ogundi!”

Yesu yaamuiramu nti, “Nkukobera amazima, wazira muntu ayinza kungira mu bwa kyabazinga bwa Katonda okutoolaku nga azaaliibwa mu maadi ni mu mwoyo. Omubiri guzaala mubiri n’omwoyo guzaala mwoyo. Lema kwewunia kyenkobye nti, ‘Osaana okuzaalibwa ate.’ Empewo efuuwa nga elaga yesiima. Owulira nga ekunta aye tosobola kutegeera yeva oba yeja. Kityo bwekiri n’oyo azaalibwa omwoyo.”

Nikodemu yaamubuuza nti, “Kino kiyinza kitya?”

Yesu yaamukoba nti, “Oli musomesa wa Isirayiri, aye ebintu bino bwene tobiidi? Nkukobera amazima nti, twogera ku byetuidi era tuwa obudulizi kwebyo byetwabonaku, aye abantu imwe timuikiriza budulizi bwaife. Ndogeire niiwe ku bintu eby’okunsi aye toikiriiza; olwo onaaikiriza otya bwenaayogera ku by’omuigulu? Wazira yaali atuuseku mu igulu okutoolaku oyo eyava mu igulu– Omwana w’Omuntu. Okufanana nga Musa bweyasitula omusota mu idungu, n’omwana w’Omuntu, atyo n’Omwana w’Omuntu bwatekwa okusitulibwa, buli amuikiririzamu alyoke afune obulamu obutawawo.

“Kubanga atyo Mukama bweyagonza ensi yawayo omwana we omulala yenka, nti buli anaamuikiririzamu aleme kuzikirira wabula afune obulamu obutawawo. Kubanga Katonda tiyatuma mwana we munsi okugisalira omusango, wabula okubita mu ye okugilokola. Buli amuikiririzamu tasalirwa musango, aye buli ataikiriza yamala n’okusalirwa omusango kubanga yaloba okuikiririza mu liina ly’Omwana wa Katonda omulala yenka. Kuno n’okulamula: Ekitangaala kiidye munsi, aye abantu baagonza ekizikiiza mu kifo ky’ekitangaala kubanga ebikolwa byaibwe byali bya bunanfuusi. Buli muntu akola obunanfuusi aba akyawa ekitangaala, era tayinza kuida mukitangaala kubanga aba atya nti, ebikolwa bye binaayanikibwa. Aye buli abawo mu mazima aida mukitangaala, kiryoke kiboneke buterevu nti ekyo ky’akoze kikoleibwa okubita mu Katonda.”