Eiterekero:Ekigambo nga Amateeka - Ambassador Institute Bible Story Curriculum

From Door43

Ekigambo nga Amateeka

Luka 18:18-27

Waaliwo omufuzi eyamubuuza nti, “Omusomesa omulungi,nkole ki okusika obulamu obutawaawo?”

Yesu yaamuiramu nti, “Lwaki ondeta omulungi? Wazira mulungi okutoolaku Katonda yenka. Oidi amateeka: ‘Toyendanga, toitanga, toibanga, towayirizanga baaba wo ni maama wo obaisangamu ekitiibwa.’”

Yaairamu nti “Gano goona goona nagakuuma okuva mubuto bwange.”

Yesu bweyawulira bino, yaamukoba nti, “Okaabuzayo ekintu kirala. Tunda byolina byona byona ogabire abanaku, olifuna eby’obugaiga mu igulu. Omale oide ongoberere.”

Bweyawulira bino yaidula enaku, kubanga yali muntu mugaiga ino. Yesu yaamulingirira yaakoba nti, “Nga kizibu abagaiga okungira mu bwakyabazinga bwa Katonda! Bwene bwene, kyangu engamiya okubita mu liiso ly’empiso, okusinga omugaiga okungira mu bwakyabazinga bwa Katonda.”

Abo abaawulira ebigambo bino baabuuza nti, “Olwo n’ani ayinza okulokolebwa?”

Yesu yaairamu nti, “Ekilema abantu tikilema Katonda.”

Okuva 20: 1-17

Era Katonda yaayogera ebigambo bino byona byona:

“Ninze MUKAMA Katonda wo, eyakutoola eMisiri, okuva mu nsi ey’obuidu.

“Tobanga na bakatonda bandi wendi.

“Tiw’ekoleranga kifanani ekifaanana ekyo kyona kyona ekiri mu igulu waigulu oba ekifaanana ekyo ekiri kunsi wansi oba ekiri mu maadi agali wansi. Tobivunamiranga era tobisinzanga; kubanga NZE MUKAMA KATONDA wo,ndi katonda wa iwali, abonereza abaana olw’ebibi bya ba baaba baibwe okutuuka ku mujiji ogw’okusatu ni ku gw’okuna ogw’abo abankyaawa, aye nga ndaga okugonza eri emijiji egiri mu lukumi egy’abo abangonza era nibakuuma amateeka gange.

Tovumaganianga liina lya MUKAMA KATONDA wo, kubanga MUKAMA talilema kuta musango ku oyo avumagania eliina lye.

Idukiranga olunaku lwa sabiti nga olukuuma okuba olutukuvu. Okumala enaku mukaga onaakolanga emirimu gyo gyona gyona, aye olunaku olw’omusanvu lunaku lwa Sabiti eri MUKAMA KATONDA wo. Kulwo tokolanga mulimu gwona gwona, k’obe iwe oba mutabani wo oba muwala wo, oba omuwereza wo omusaada oba omukazi,oba ensolo yo waire omunamawanga nga ali munda mu milyango gyo. Kubanga mu naku mukaga MUKAMA yakola eigulu n’ensi, enanda, ni byona byona ebibirimu, aye yaawumula ku lunaku olw’omusanvu. Nolwekyo MUKAMA yawa olunaku olwa Sabiti omukisa era yaalufuula olutukuvu.

“Baaba wo ni maama wo obaisangamu ekitiibwa olyoke owangaale mu nsi MUKAMA KATONDA wo yaakuwaire.”

“Toitanga.”

“Toyendanga.”

“Toibanga.”

“Towairizanga mulinanwa wo.”

“Tiwegombanga numba ya mulinanwa wo, tiwegombanga muka mulinanwa wo, oba omuwereza we omusaada oba omukazi,enume ye erima oba endogoyi ye, oba ekintu kyona kyona nga kya mulinanwa wo.”