Eiterekero:BaMalayika ni Badayimoni - Ambassador Institute Bible Story Curriculum

From Door43

BaMalayika ni Badayimoni

Ebikolwa 12:1-19

Kyali ku kiseera nga kino Kyabazinga Kerode weyagemera omuntu eyali ow’omukanisa n’amusiba, nga agenderera okubayigania. Yalagira Yakobo muganda wa Yokana aitibwe n’ekitala. Bweyabona nga kino kisanuisa abayudaya, yaaja mu maiso yaagema ni Petero. Kino kyaliwo ku majaguza g’embaga ey’emigati egitali mizimbulukuse. Oluvainuma olw’okumugema, yamusiba mu ikomera, yaamutaku ebikunsu bina nga bya baserikale banabana, okumukuuma. Kerode yayenda amuleete okuwozesebwa mu lwatu oluvainuma lw’okubitaku.

Kale Petero yaakuumirwa mu ikomera, aye e kanisa yali nga emusabira bwezizingirire.

Obwire obwali obw’okukyesa olunaku Kerode lweyali aja okumuleeta okuwozesebwa, Petero yali atenduike wagati mu baserikale babiri, nga asibiibwa n’endegere ibiri era nga abakuumi b’emereire ku mulyango. Amangu ago Malayika wa Mukama yaaboneka era wabaawo ekitangaala mu kisenge ky’eikomera. Yaakona ku Petero yaamuzuusa. Yaamukoba nti, “Yanguwa,situka!” era endegere daava ku mikono gya Petero.

Malayika yaamukoba nti, “Vaala engoye do n’engaito do.” Petero yaakikola. Yaamukoba nti, “Wesibe ekizibawo kyo ongoberere. Petero yaamugoberera baafuluma mu ikomera, kyoka tiyakitegeera nti Malayika kyeyali akola kyali nga bwene kirikuja mumaiso; yalowooza nti yali mu kuyolesebwa. Baabita ku bakuumi abasooka ni kub’okubiri baatuuka ku mulyango ogw’ekyuma oguja mu kibuga. Gwab’eigulirawo gwonka, baagubitamu. Bwebaali bakatambulaku obuwanvu obuli nga obw’oluguudo olw’omukibuga, amangu ago, Malayika yaamulekawo.

Awo Petero yairamu amagezi yaakoba nti, “Mpegano nkitegeera awazira kubuusabuusa nti, Mukama yatumye Malaika we okuida okunnunula okuva mu kugemebwa kwa Kerode n’okuva mu ebyo byona byona abaYudaya bye baali basuubira.”

Bweyamala okukikakasa, yaja mu numba ya Malyamu maama wa Yokana, era gwebaayetanga Mako, abantu abangi webaali bakungaaniire era nga basaba. Petero yaakonkona ku mulyango ogusooka kuluya, era omuwala omuwereza ayetebwa Loda, yaja okubona n’ani. Bweyategeera nti eidoboozi lyali lya Petero, yaidula eisanu lingi yaalumuka okuja okubakobera nga taiguirewo, yaakoba nti, “Petero ali ku mulyango.”

Baamukoba nti, “Iwe oliku kazoole..” Bweyeyongera okukikakasa nti kyali kituufu, baakoba nti, “Atekwa kuba Malayika we.”

Aye Petero yeyongera okukonkona, era bwebaigulawo oluigi nibamubona baawunikirira. Petero yaakola akabonero n’engalo okubakoba basirike, yaabaitotolera nga Mukama bweyamufulumya mu ikomera. Yaabakoba nti, “Mukobere Yakobo n’aboluganda ebigambo bino.” male yaaja mukifo ekindi.

Kunkyo, tiwaali kakyankalano mu baserikale ku kyali kituuse ku Petero. Oluvainuma lwa Kerode okulagira baanooneze irala Petero n’atamubona, yabuuza abakuumi okwetegeereza male yaalagira baitibwe. Male Kerode yaava eYudeya yaaja eSizariya yaamalayo akaseera.