Obutonde

From Door43

Obutonde

Ambassador Institute Bible Story Curriculum
Overview:	A leadership training course using stories of the Bible.
Leader:	NateJ
Status:	Under development, please contact the project leader if you would like to help.

Olubereberye 1-2

Mu lubereberye Katonda yatonda eigulu n’ensi. Mpegano ensi tiyalina kikula kyayo era yali ndereere, ekizikiiza kyali ku ngulu kw’obuziba era Omwoyo wa Mukama yali nga amaamiire amaadi.

Ku lunaku olwasooka Katonda yakoba nti, “Leka wabewo ekitangaala” era wabaawo ekitangaala. Katonda yaabona nga ekitangaala kyali kirungi,era yaayawula ekitangaala okuva ku kizikiiza. Ekitangaala yaakyeta “Misana” ate ekizikiiza yaakyeta “Obwire.”

Ku lunaku olw’okubiri Katonda yakoba nti, “Leka wabewo ekyawula wagati wa amaadi ag’ebika, okwawulawo wagati w’amaadi n’amaadi.” Nolw’ekyo yayawula amaadi agali wansi okuva ku maadi agali waigulu era ekyawula kino yaakyeta eibbanga.

Ku lunaku olw’okusatu Katonda yakungaania amaadi mu kifo kirala olukalu lwasobola okuboneka. Yatonda ebimera byona byona ebyakiragala n’emiti. Katonda yaabona nga kyali kirungi.

Ku lunaku olw’okuna, Katonda yakoba nti, “Leka wabewo ebitangaala mu bwengula obw’eibbanga okwawula emisana okuva ku bwire.” Katonda yatonda enduba okufuganga emisana n’omwezi n’emunienie okufuganga obwire.

Ku lunaku olw’okutanu Katonda yakoba nti, “Leka amaadi gaidule ebiramu, era leka ebinoni bigulukire waigulu w’ensi.” Kale yatonda eby’enanda byona byona eby’omunanda n’ebinoni ebigulukira mu ibbanga.

Ku lunaku olw’omukaga Katonda yakola ebisolo byona byona ebitambulira kunsi. Male Katonda yaakoba nti, “Leka tukole omuntu mu kifanani kyaife.” Kale Katonda yatonda omuntu mu kifanani kye, mu kifanani kya Katonda mweyamutondera; yatonda omusaada n’omukazi. Katonda yabawa omukisa yaabakoba nti, “Mubale era mwale; mubune ensi era mugifuge. Mufuge eby’enanda eby’omunanda n’ebinoni eby’omuibbanga n’ebiramu byona byona ebitambulira ku itaka.” Katonda yaalingirira ebyo byeyali akoze yaabona nga kyali kirungi ino.

Ku lunaku olw’omusanvu, Katonda yali amaze emirimu gyeyali akola; kale ku lunaku olw’omusanvu yaawumula emirimu gye gyona gyona. Kale Katonda yawa olunaku olw’omusanvu omukisa yaalufuula okuba olutukuvu.

Mukama Katonda yabumba Adam okuva mu nfuufu ey’eitaka era yaamufuuwa mu nindo ye omuuka ogw’obulamu, era omusaada yaafuuka omuntu omulamu. Aye tiwaliwo mubeezi eyali agwanira Adamu. Kale Katonda yaaleetera omusaada okutendukira irala; Era bweyali nga atenduka, Katonda yaatoola lulala ku mbiriizi d’omusaada, olwo Katonda yakola omukazi okuva mu lubiriizi yamuleeta eri omusaada. Adam yaakoba nti, “Mpegano lino igumba lyakumagumba gange era mubiri gwa kumubiri gwange; anaayetebwanga ‘omukazi’ kubanga yatolebwa mu musaada.” Olw’ensonga eno, omusaada anaalekanga baaba we ni maama we yagaitibwa ni mukazi we, era ababiri baafuuka omubiri mulala. Omusaada ni mukazi we bombi baali bwerere era tibaagemebwanga nsoni.