Eiterekero:Amaani g’ekigambo - Ambassador Institute Bible Story Curriculum

From Door43

Amaani g’ekigambo

Ebikolwa 8:26-40

Mpegano malaika wa Mukama yaakoba Filipo nti, “Serengeta emanga ku luguudo, – oluguudo olw’omuidungu -- oluserengeta okuva e Gaza okuja e Yerusalemi.” Kale yaatandika okuja, era ku lugendo lwe, yayagaana Omwesiopia omulaawe, eyali omukungu ow’okuntiiko nga n’alabirira endyanga ya Kandisi eyali Inebantu wa abaEsiopia. Omusaada ono yali ajiire eYerusalemi okusinza. Era yali airayo eka nga ali mu kigaali kye nga asoma ekitabo kya nabbi Isaaya. Omwoyo yaakoba Filipo nti, “Ja obe kumpi n’ekigaali ekyo.”

Awo Filipo yaalumuka yaaja okutuuka ku kigaali yaawulira omuntu nga asoma nabbi Isaaya. Filipo yaamubuuza nti, “Otegeera by’osoma?”

Omusaada yairamu nti, “Ninza ntya okutoolaku nga omuntu aninonola?” kale yaasaba Filipo okunjira mu kigaali atyame naye.

Omulaawe yali asooma ekitundu ky’ebyawandiikibwa ekikoba nti, “Yatwalibwa nga entaama okusalibwa era nga omwana gw’entaama bwegusirika nga bagusala ebyoya, era atyo tiyayasama kanwa ke. Mu kuswazibwa okungi, yaimibwa okulamula okwamazima. Ani ayinza okwogera ku baidukulu be? Kubanga obulamu bwe bwatoolebwa munsi.”

Omulaawe yaabuza Filipo nti, “Nkusaba onkobere, nabbi ayogera ku ani, ku ye mwene oba ku muntu wundi?” Awo Filipo yaatandikira ku luniriri lwene olwo olw’ebyawandiikibwa yaamutegeeza amawulire amalungi agafa ku Yesu.

Nga bali mu luguudo baja, baatuuka awaali amaadi omulaawe yaakoba nti, “Bona amaadi gaago. Lwaki tibatizibwa?” Yaalagira ekigaali okwemerezebwa. Male Filipo n’omulaawe baaserengeta mu maadi Filipo yaamubatiza. Bwebaava mu maadi, omwoyo wa Mukama yatoolawo Filipo mu bwangu, era omulaawe tiyairayo kumubonaku,aye yejiira nga musangaavu. Wabula Filipo yabonekera mu Azotasi nga yetoloolera eyo,nga abuulira enjiri mu bibuga byona byona okutuusa bweyatuuka e Sizariya.